بتتذكر ولا نسيت..؟

بتتذكر لم نسيت..؟
حلمنا بوقتها كان شي كتير كبير
بنت بالحارة صغيرة بتلعب
عيونك عليها غارزة
وبتشعل حب وغزل
بتتذكر ولا نسيت ..؟
وقفت بجبل قاسيون
وقلت لكل الناس وبصريخ
هي البنت الي بكيفكن أوحتى بدون
بتتذكر ولا نسيت ...
أيام الولدنة والخيم على الطريق
واقتها كنت للحب شهيد
بتتذكر ولا نسيت .؟
والحلوة وقعت وصارت الك
وبمحبتك مشيت أسيرة
وعيونها مغمضة
حبتك وتركت الدنيه بلاك
عندها مابتسوى متليك
بتتذكر ولانسيت ..؟
وهنين شهرين ويومين
وخلص عندك عهد الهوى
بتتذكر ولا نسيت .؟
لسا استنى في شي أكيد.
بكلمة صغيرة تصير على ايدك تنام
قطة بلحمسة عاشعرها ترجع يلي كان
وبين الفرح والزعل مع وحدة تانيه تكون
بتتذكر ولانسيت ؟
وقت الغضب ياويلها
أن سئلت سيادتك الأحمر على قميصك منوين
بالضرب على جسمها تصير كريم
كل يوم جسمها ألوان يصير
وتحت عينها فنان تكون
وقوس قزح ترسم وعالعيون يصير
بتتذكر ولانسيت؟
يمكن بعد هالعمر
بطلت تتذكر ونسيت.؟
لبيتك كانت معمرة
ولمحبتك وفية وهاد شي أكيد
يمكن مللها الكذب والتلعيب
وصارت عنك غريبة
وهاد شي أكيد
بتتذكر ولا نسيت
لاتسأل مين المتهم
هلاء ومين البريء
صفحات مر عليها الزمن وقسيت
بدك ترجع عهد الهوى
وترجع البنت الغبية من جديد
هلاء انا بقلك ياقريب وأنت غريب
خليك مكانك وكون بعيد
لا الزمن بقى يرجع
والكذب مابينتسى وهاد أكيد
حتى لو كنت بزمانك حبيب
والضرب والقسوة اذا نسيت
كلو بينتسى الا الخيانة لا ء
وهاد شي أكيد
رح تبقى غريب
حتى لو كنت بيتك قريب
المسافات مابتعني وصال
والبعد ماهو زمن وراح
وتقول يمكن نرجع من جديد
بتتذكر ولا عيد
أكيد لسا مانسيت
ياريتها نزوة مرة وعدت
لكنت هلاء نسيت
مضيت ليالي بحضنها
وانت عني بعيد
ماكانت مرة ياغالي ياأب
ياكبير ....!!
هي بالعدد كانت كتير
بس جرحها هلاء نزف
وماعاد ينفع معها دواء ولا طبيب
هي الخيانة بدمك حتى لو كنت الها حبيب
ضيعت ايام الولدنه
والحب يلي كان كبير
بتتذكر ولا نسيت؟؟
بقلم اتحاد غنوم