ملحمة طويلة ورح بشرح اليوم نصه
عريس تورط بالعرس ورطة
وفكر يطيلع مصروف العرس بالنقطة
مصرياتو 20ألف فاصلي نقطة
يعني حالتو تحت خط الفقر بشحطة
استأجر البيت واشترى شوية قراقعين
وصاريسمع كلمة الله بيرزق وبيعين
والأهل منين موافقين ومنين معارضين
واتفقوايكون العرس عالضّيق للقرايبين
وقالولوا إنت بس انصمد ما تخاف
الجازة يا بطل . بدا هزة . كتاف
العروس جايبة الفرشة والقييس والحاف
وإنت عليك تجيب كم طنجرة للمطبخ خفاف
صاحبنا فكّرالجازةأكلة حلاوة
درويش ما بيعرف ورا هالجازة بلاوة
في ناس شالت الطحال والفشفاشة والكلاوة
وعسرير بالمشفى نامو . ضحاوة
عملوا العرس بالصالةومشاالله
والأهل قالوا توكلناعاالله
وبعد العرس أخد مرتو وشد عبيتو
وتسمع زلاغيط امو و خيتو
العروس عالباب لزقت العجينة ما لزقت
وأم العريس عابخت ابنا شقد بزقت
كبرت السالفة براس العروس
وصارت متل الفليفلة بمكدوس
ياصاحبي هالعجينيةعملت مشكلي وعينك تشوف
شد الشعر ما تمت لا شكلة ولا بكلة
هبشت العروس بشعر حماتا
وهجموامعا تنتين خياتا
وفات العريس بيناتين
فوتة بعمرو مافاتا
وكنك زلمة ؟ بتفك العروس من الحماية وبناتا
وفجأة سمع خي العروس راعي الطلايب
بربع ساعة خمسين شقلعية كان جايب
قتلو العريس قتلة مهيفي
وراحت العروس عبيت أهلا مروقة ومكيفي
علقوا العيلتين ببعض منشان هالجازة وبدلو العرس ياصاحبي بجنازة
العيلتين صار عندين تعازي
وطبقوا مقولة الجازة وعرق لحزازة
ومن يومتا سموا هالعرسى عرس العجيني
وكانت كلمة الحماية ميبر وسكيني
فتح البيوت بعمرو ما كان بالتمني
وأعــراس الـيــوم بــدا شـوية تــأنـــي
بعض الشباب فكروا الجازة أكلت قرص عني.
أو سهرة منرقص شوي فيها و منغني